राष्ट्रिय

आज छठपर्वको तेस्रो दिन  खरना मनाइँदै

रेडियो टाइम्स
`

मंसिर ४, २०७७ महोत्तरी

छठपर्वको तेस्रो दिन आज खरना मनाइँदैछ ।आस्था र निष्ठापूर्वक घरघरमा मनाइने छठपर्वको तेस्रो दिन मिथिलाञ्चलमा आज बेलुका खरना मनाउने गरिन्छ । दिनभरि निराहार उपवास बस्ने व्रतालु बेलुका घरमा सख्खर र खिर चढाएर खरना पर्व मनाउने गर्छन् । आजका दिन युवाहरु मिलेर छठ मनाइने नदि, ताल या पोखरीको किनार तथा सडक सफा गर्ने, घाँस खुर्किने र पानीलाई सफा गर्ने चलन छ ।

त्यस्तै व्रतको चौथो दिनलाई सन्ध्या अर्घ भन्ने गरिन्छ । भोलि व्रतालु निराहार व्रत बसेर घरमा तयार पारिएको ठकुवा भुसुवा, मिठाइ प्रकारहरु, नैवेद्य, फलफूल सामग्री, नरिवल, केरालगायतका पूजा सामग्रीसहित बेलुका नजिकै रहेको जलाशयमा गएर अस्ताउँदो सूर्यलाई अर्घ दिने चलन रहेको छ ।छठको अन्तिम दिन बिहान उदाँउदो सूर्यलाई अर्घ दिएर व्रतको समापन गर्ने गरिन्छ ।


प्रकाशित मिति: बिहिबार, मंसिर ४, २०७७, १३:५४:००
प्रतिक्रिया दिनुहोस्